កាតា៖ អាហ្សង់ទីនបានឈ្នះពានរង្វាន់ FIFA World Cup ឆ្នាំ២០២២ ក្រោយយកឈ្នះគូប្រកួតបារំាងក្នុងវគ្គស៊ុតបាល់ប៉េណាល់ទីក្នុងលទ្ធផល ៤-២ ក្នុងព្រឹត្តិការណ៍បាល់ទាត់ពិភពលោកវគ្គផ្តាច់ព្រ័ត្រដែលធ្វើឡើងនៅប្រទេសកាតានាយប់ម៉ោង១០ថ្ងៃទី១៨ ខែធ្នូ ឆ្នាំ២០២២ ម៉ោងនៅប្រទេសកម្ពុជា។

ក្រុមជម្រើសជាតិអាហ្សង់ទីន និងបារាំង ក្នុងការប្រកួតវគ្គទីមួយ ៤៥នាទី និងថែម៧នាទី អាហ្សង់ទីន បាននាំមុខបារំាង២-0។ ក្នុងវគ្គទី២ បារាំងបានរកគ្រាប់បាល់ចំនួន២គ្រាប់ ស្មើអាហ្សង់ទីនវិញ។ ដើម្បីរកជើងឯក World Cup ក្រុមទាំងពីរត្រូវប្រកួតដោយបន្ថែម១៥នាទីទៀតចំនួន២ដង ដោយក្រុមទាំងពីរបានស៊ុតបាល់បាន១ម្នាក់១គ្រាប់ទៀត ដោយលទ្ធផល៣ស្មើ ទើបឈានដល់ការស៊ុតបាល់ប៉េណាល់ទីទាត់១១ម៉ែត្រ ដោយអាហ្សង់ទីនបានឈ្នះបារំាងក្នុងលទ្ធផល៤-២។

ការទទួលបានជើងឯក FiFa World Cup ឆ្នាំនេះ គឺជាលើកទី៣ ហើយដែលក្រុមអាហ្សង់ទីន បានទទួលពានរង្វាន់ World Cup ដោយលើកទី១ នៅឆ្នាំ១៩៧៨ និងលើកទី២ នៅឆ្នាំ១៩៨៦។ ក្រុមជម្រើសជាតិបារាំងបានធ្លាក់តំណែងជើងឯក FIFA World Cup នៅឆ្នាំនេះ ក្រោយពីទទួលបានជើងឯកនៅឆ្នាំ២០១៨ និងឆ្នាំ១៩៩៨៕